મેં તો સિધ્ધ રે જાણીને તમને સેવિયા,
મારા રુદીયામાં દિવસ અને રાત;
હે જીવણ ભલે ને જાગીયા.
મેં તો કરુણાનાં કળશ સ્થપાવિયા;
પાટે પધાર્યા નકલંક દેવીદાસ.
હે જીવણ ભલે ને જાગીયા.......મેં તો સિધ્ધ રે જાણીને...
મેં તો પ્રેમનાં પાટ મંડાવિયા;
પાટે પધાર્યા અમર દેવીદાસ.
હે જીવણ ભલે ને જાગીયા.......મેં તો સિધ્ધ રે જાણીને...
સતીયું સામૈયાં કરોને મારા નાથનાં;
મંગળ ગુણલા અમર માનાં ગવાય.
હે જીવણ ભલે ને જાગીયા.......મેં તો સિધ્ધ રે જાણીને...
એવા નુરીજન મળ્યાં છે મારા શ્યામને;
આનંદ રુડો રે ઉરમાં વરતાય.
હે જીવણ ભલે ને જાગીયા.......મેં તો સિધ્ધ રે જાણીને...
ગરવા દેવાંગી પ્રતાપે અમર મા બોલિયા;
તમારા સેવકોને ચરણોમાં રાખો રે.
હે જીવણ ભલે ને જાગીયા.......મેં તો સિધ્ધ રે જાણીને...
#BhajanVANI
Laxman Barot
LIKE US ON FACEBOOK: https://www.facebook.com/BhajanVaniOfficial/
Comments
Post a Comment