Chhevate Raja Nand nu Nanu Jokhmanu jal mahi Lyrics
સોમ, શિળો ને કાચબો, ઈ તો પર ઘર પહોળા થાય;
પણ પોતા ઉપર આવી પડે, તો તો તરત સંકેલાઈ જાય
----------------------
કબરું ખોદીને દોકડા કાઢ્યાં, મડદા નાં મુખ માંહી;
છેવટે રાજા નંદનું નાણું જોખમાણું જળ માંહી
છેવટે રાજા નંદનું નાણું...
સોનલા લીધાં ને રૂપલાં લીધાં, અને ત્રાંબીયે કીધો ત્રાસ;
દમડો એક ન રહેવા દીધો, રૈયતનાં ઘર માંહી.
છેવટે રાજા નંદનું નાણું...
ચામડા ચૂંથ્યાં ને માંસ વલોવ્યા, અને ઊઠી ઘરો-ઘર હાય;
લોહી નિચોવ્યા, હાડકા હોમ્યા, તોય તૃપ્તિ ન થાય.
છેવટે રાજા નંદનું નાણું...
દમડે દેવા સાંઢિયા દોડ્યા, કે નાણું કોના ઘરમાંય;
નીકળે નાણું જેના ઘરમાંથી, તેને શૂળીની સજા થાય.
છેવટે રાજા નંદનું નાણું...
હરણી કેરી હાડકી ગોતી, ને સાયરમાં જવાય;
એને ઓથે આ નાણું સંઘર્યું, કે લક્ષ્મી ના લૂંટાય.
છેવટે રાજા નંદનું નાણું...
રાણીએ રાંધ્યું ને ખંતથી ખાધું, અને આપ ઊઠ્યો અકળાઈ;
હાય હાય કરતાં પ્રાણ નીકળી ગ્યો, ને "કાગ" કહે જુઓ કમાઈ.
છેવટે રાજા નંદનું નાણું...
#BhajanVANI
FOLLOW US ON:
Comments
Post a Comment